مرة واحد ندل ركب اتوبيس شاف واحدة قاعدةبصلها بصتله غمزلها غمزتله قالها انزلي المحطة اللي جاية نزلت راح قاعد مكانها
صومالى ركبه عفريت العفريت مات من الجوع
مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورةهذه صورة زوجتى مع القرود (ملحوظة: زوجتى الثالثه على اليمين
كلب مسطول ماشى فى الشارع يقول : نو نو لا لا صو صو لا لا هو هو
جماعة مساطيل قاعدين فى غرفة لها بابين طلبوا كبريت واحد راح يجيب ، دخل من الباب التانى سألهم معاكم كبريت
قالوا له استنى بعتنا واحد يجيب وزمانه راجع
مسطول بيسأل صاحبه هوه النهاردة السبت ولا الأحد
قاله لا الاتنين
رد قال له ياااااااااااه اول مرة ييجوا مع بعض
حشاش تاب ورمى الحشيش فى البحر طلعت سمكة تقول انا حووووووووووووووووووووووت
بيسألوا مسطول ايه الفرق بين تجارة عين شمس وتجارة الحشيش
قال لهم تجارة عين شمس 4 سنين انما تجارة الحشيش 25 سنة
صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده هو ده الفن اللي بتسموه حديث؟
رد المنظم دى مراية يا أستاذ
تحطمت طائرة صغيرة تتسع راكبين فقط فوق احد المقابر بالصعيد
اخوانا الصعايدة انتشلوا 500 جثة وما زال الحفر مستمراً
مرة واحد بلدياتنا وقع فى حفرة نزلولوا حبل طلع مخنوق
ديناصور بيقول لديناصورة هاتي بوسة
قالتله لأ
قاللها عشان كده احنا انقرضنا
سعودي بيسأل مصري ايش بتفطروا
قاله فول
قاله طب ايش بتتغدوا
قاله فول
قاله طب ايش بتتعشوا
قاله فول
قاله طب و ايش الفرق بينكم و بين البهايم
قاله البحر الأحمر
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
التسجيل 
موقع "الضوء المسلط" هو منصة إخبارية تهدف إلى توفير أحدث المستجدات والأخبار في مجالات متنوعة في مجالات مثل الذكاء الاصطناعي، الربح من الانترنت، التكنولوجيا، الثقافة،التقنية,بلوجر,قوالب بلوجر,الرياضة وغيرها. 
السبت 01 فبراير 2014, 3:51 pm من طرف القلب الحزين
المزاج
