لو صادفك رجل اعمى وطلب منك ان تصف له الحياه ؟؟؟؟؟؟؟

إخوتي الأحبّة

أسعد الله أوقاتكم جميعاً ,,
أحببت أن نقف للحظات مع أنفسنا ونتعرّف عليها
ففي زحمة أحداث هذه الدنيا قد نكون نسينا أنفسنا ,,

دعنا نعيد قراءة أنفسنا من خلال نظرتنا لهذه الحياة,,

كيف نرى هذه الدنيا ؟؟

لا أقصد أن نبحث عن إجابات فلسفيّة أو خياليّة أو افتراضيّة
بل أريد أن نعرفّها تعريف حقيقي وفق رؤيتنا,,

وحتى أزيد الأمر وضوحاً سأختصر هذا الموضوع بسؤال واحد فقط وأطلب من كل واحد أن يجيب عليه بمنتهى الصراحة والوضوح
السؤال هو:

لو صادفك إنسان أعمى ابتلاه الله سبحانه وتعالى بفقدان نعمة البصر وأراد منك أن تكون أنت عيونه التي يرى فيها هذه الحياة

كيف ستصفها له وصفاً تجعله يعيشها كما تراها؟؟

هيّا إخوتي ننتظر كل واحد منكم أن يصف له هذه الدنيا فماذا ستقولون له؟؟؟

كلام جميل كلام موزون وسؤال وجيه

اول حاجة اتمنى من الادارة تسبيت الموضوع ده لانه بجد اهل للنقاش

واتمنى بجد ان اصحابنا يشاركو معانا فى الاجابة لان دا حيوضح شكل الحياة فى عيون كل واحد فينا

وانا اول واحد حشارك

انا بصراحة بشوف الحياه زى ساحة العاب اولومبية
ميدان مليان مسابقات مخنلفة

مسابقة طموح مسابقة حلم مسابقة حب

وكل مسابقة ليها مستوياتها وصعوبتها واللى يكسب يعيش ايام بطولته
واللى يخسر يكره اللعبة والميدان باللى فيه

فى هزيمة بتعلم وفى هزيمة بتكسر

وفينا اللى مبيلعبش وقاعد فى صفوف المتفرجين

وفينا اللى اتولد كسبان من غير ما يلعب

وفينا اللى اتحكم عليه يجرى فيها لعبة لعبة ويضيع عمره ميكسبش ولا لعبة

ياترى انت مـــين فى وسط دول ؟

سؤال صعب جدا سؤال محتاج نفس عميق للنفتكر ونتذكر ما ذا حدث لنا فى الحياه كل انسان منا له وجهه نظرة بالحياه حسب ظروفه ووضعه ونجاحاته وطموحه بمعانته ومشكاله ولاكن لايتذكر ديما الا المعاناه من الحياه يتذكر الالم والجراح ولاكن ساوصف له كل شىء وبكل وضوح وبكل صراحه حتى يعلم انه بنعمه انعم الله عليه بها فى البدايه ساحكى له عن جمال الخضره والالوان وجمال الطبيعه ساروى له عن كل شىء رايته فى الطفوله لانها هى اجمل مراحل العمر ساحكى له عن جمال شروق الشمس وعن جمال القمر وروعه النجوم سحاكى له عن الكثير والكثير ولاكن لابد من ان احكى له عن معانتى فى الدنيا معانات معظم الشباب ولاكن منا من تعلم كيف يتعامل معاها ومنا ظل يعانى ولا يعرف سوى البكاء والحزن واخيرا كى لا اطيل عليه اقول له ان عليك ان تتعلم من اخطائك واحزانك وعدمم تكررها حتى تجنى السعاده
اخى القلب الحزين اشكرك بشده على هذا الموضوع الشيق والمليء بالافكار الجيده والممتعه

اعذرنى يافرعون انى انقد رأيك
هو رأيك وانت حر فيه بس الراجل الاعمى ده ذنبه ايه
لما نفسرله ان الدنيا ساحة حرب وناس كسبانه وخسرانه

الدنيا هى اعم مخلوق خلقه ربنا هو اللى خلقها وهو اللى بيسير امورها
سخرلنا فيها كل شيء
الهوا والميه والخضرة والليل وسحره والفجر وصفائه والصبح وجماله

وامرنا نسعا فيها زى مقال محب كل واحد بيحاول ويعمل اللى عليه
بس فى الاخر نرضى باللى قسمه ربنا لينا لاننا عمرنا محنكون فيها مظلومين

ربنا بيقول فى الحديث القدسى
(عبدى خلقت الاشياء كلها من اجلك وخلقتك من اجلى
فسر فى طاعتى يطعك كل شىء
وان رضيت بما قسمته لك ارض قلبك
وان لم ترض بما قسمته لك
فوعزتى وجلالى لاسلطن عليك الدنيا تركض فيها كركض الوحوش فى البرية
ولا ينالك منها الا ما قسمته لــك )

ولو فهمنا معنى الحديث حنعرف ايه الدنيا بجد

اسفة للاطالة

ونعم بالله ياسيتى انتى حتكفرينا ليه
انتى شايفة الدنيا بنظرتك وانا شايفها بنظرتى
ماشى انا معاكى ان ربنا مبيظلمش حد
بس ربنا بيقول (ومـا ظلمناهم ولكن كانو انفسهم يظلمون)
يعنى ربنا بيوضح ظلم الناس بعضهم لبعض
واحنا الحمد لله بنرضى بس عصب عننا علشان نعيش لازم نتعامل وعشان نتعامل لازم نحتك ومدام حنحتك يبقى احنا داخل اللعبة
ودى آراء يا اخت رمال

ومش اسف على الاطالة

حاشا لله يافرعون انى اكفرك
وبعدبن انت حبيبى يافرعون

بس زى ما انت بتقول دى وجهة نظر
وانا قلت رأيى
وانت عاوز تحتك وتتعامل براحتك ياخويا وانا مسكاك

بس افتكر ان برضو فى رب شاهد على الظلم
وفى اخرة هيا اللى باقيالنا
والدنيامهما طالت مش دايمة
والحياة ارقى بكتير من انها تكون لعبة

والله العظيم الراجل زمانه بيحمد ربنا انه اعمى وانه مش عايش معاكم العمى ارحم بكتير

انا بشكرك كتير طرح ها مو ضوع
انا اوصف لى عن جمال الدنيا حلوته اجمل لحظات بنعشه مع اعز ناس
زاى بنشعور يسعاده الدنيا لانه هو اكيييد بعد دنيا ظلام عايش فيه
بحلم باامل شروق شمس نور حياه بنسبه لى لحظه هعيش امل دا بقلبه بخياله

جماعه اختلف برائ لا هااا حلى الدنياا ولا هااوحشه

هنعيشه زاى ماهى لله يوفقكم جميعااااا