انا جايبلكم اليوم احلى النكت واتمنى انها تعجبكم
مدرس بيسأل طالب ما هو الحيوان الى بيصحينا لصلاه الفجر؟ رد وقاله ابويا
لعيب كوره منحوس جاب جون لما عدوه بالتصوير البطيىء طلعت كورنر
واحد غبي كل الناس بتقول له يا حمار فقام في مرة قال لهم بلاش كلمة حمار دي سمونى حاجة تانية فسموه جحش فراح لمراته فرحان بيقول لها مش الناس خلاص سموني جحش قالت له وهي غضبانة اتنيل مانت بكره تكبر وتبقي حمار تاني
مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول وكرر ذلك مرة ثانية فموظف المطار بيقوله يا استاذ رحلة الكويت هتطلع فرد علية وقاله ياعم دول طالعين رحلة انا طالع شغل
سألو واحد بخيل مووووت تعمل ايه لو الدنيا برد؟ قال أروح جنب الدفاية قالو ولو الدنيا بردت أكتر؟ قال أقرب من الدفاية قالو ولو بردت أكتر؟ قال ألزق في الدفاية قالو طب ولو نزل تلج؟ قال أشغل الدفاية بقى وأمري لله
مره واحده قاعده فى الكوافير وبتقول لصحبتها انا خليت جوزى مليونير قلتلها ازاى قامت رده وقالت اصل لما اتجوزته كان ملياردير
مرة واحد كل لما بيكلم حد بينام منه وكل شوية الحكاية دى تحصل معاه فقال لأ انا لازم اروح لدكتور عشان يعالجنى المهم راح للدكتور فدخل قاله اتفضل ياباشا قاله شكرا وبعدين قاله بتشتكى من ايه قاله يا دكتور انا كل لما اجى اكلم حد ينام منى يا دكتور يا دكتور يا دكتور
التسجيل 
موقع "الضوء المسلط" هو منصة إخبارية تهدف إلى توفير أحدث المستجدات والأخبار في مجالات متنوعة في مجالات مثل الذكاء الاصطناعي، الربح من الانترنت، التكنولوجيا، الثقافة،التقنية,بلوجر,قوالب بلوجر,الرياضة وغيرها. 
السبت 01 فبراير 2014, 3:51 pm من طرف القلب الحزين
المزاج
